Trending Vids

सिन्कोना मजदुर कर्मचारीको वेतन मुद्दामा गोरामुमोको पोस्टरिङ र हस्ताक्षर अभियान शुरु

GNLF trade union HPWU postering over labour salary
बितेको दिसम्बर महिनादेखि गोरामुमो पार्टीले गोर्खाल्याण्ड आन्दोलनकालको बन्द अवधिको सिन्कोना श्रमिक कर्मचारीहरुको वेतन जीटीएले अविलम्ब दिनपर्छ भन्दै शुरु गरेको अभियान पटक पटक चल्दै आइरहेको छ | श्रमिक कर्मचारीहरुको वेतन सन्दर्भमा गोरामुमो पार्टी अधिनस्थ ट्रेड युनियन एचपीडब्ल्युयुले गत वुधबार पुन: सिन्कोना निर्देशक डा० सामुयल राईसित भेट गरि बन्द अवधिको वेतनको कुरा चलाएको छ | कुरा चल्दा प्रत्यक्ष रुपमा वेतनको आदेश बितेको २२ दिसम्बरमा नै आइसकेको थाहा लागेको छ | तथापि आदेश आएपनि हाल जीटीए कोषमा पैसा नभएकोले श्रमिक कर्मचारीहरुको वेतन पाउन नसकेको हुनसक्ने कुरा माथि चर्चा भयो | तर जीटीए जस्तो व्यवस्थापनले दार्जीलिंग पहाडभरिकै विकाश व्यवस्थापन हातमा लिएर सरकारकै स्वरूपमा काम गर्ने भएपछि सिन्कोना श्रमिक र कर्मचारीहरुका वेतन दिने बेलामा उल्टो पैसा छैन भन्ने कुरोलाई गोरामुमो पार्टी ट्रेड युनियनले कथित षड्यन्त्र बताएको छ |
वेतन सम्बन्धमा कुनै पनि ट्रेड युनियन र राजनैतिक दलहरुले सरोकार नराख्दा १८ दिसम्बरदेखि एचपीडब्ल्युयुले मङपु सिन्कोना बगानको पाँचवटा विभाग र लाठपन्चर साथै अन्य गाउँमा पोस्टरिङ साथै श्रमिकहरुको हस्ताक्षर उठाउने अभियान थालेको छ | एचपीडब्ल्युयु को यस अभियान देखेर गोजमुमो टोली पनि तातिएको थियो | तर वेतन पाउनको साटो पैसा छैन भन्ने कुरोलाई एचपीडब्ल्युयुले मोर्चाको षड्यन्त्र अनि श्रमिकहरु कर्मचारीहरुले वेतन पाए जनताको अघि गोरामुमो हिरो हुन्छ भन्ने डरले मोर्चा र जीटीएले यस विषयमा राजनीति गरेको बुझेको छ | यसको मतलब मोर्चाले श्रमिकहरुका समस्या हल होइन तर ढाँटुवा राजनीति गरेर अझ समस्यामा पार्ने राजनीति गरिरहेको छ | निर्देशक राईसित भेट गर्दा तिनले वेतन अर्डरको रिपोर्ट पनि देखाएका थिए | जुन अर्डरमा जून र जुलाई महिनाको वेतन अर्डर छ | तर आज जीटीएमा पैसा छैन भन्ने कुरोलाई गोरामुमोले भविष्यमा मोर्चाले यसलाई राजनैतिक लाभ उठाउने साधन बनाउन रोकेर राखेको भनी बुझेको छ | मोर्चाको यस्तो नियतमाथि एचपीडब्ल्युले श्रमिक र कर्मचारीहरुका वेतन मुद्दालाई अझ तीब्र पार्न २४ जनवरीसम्मको मियाद दिंदै पोस्टरिङ गरेको छ | पोस्टरमा जीटीएले ६०० करोड पाउनमा सिन्कोनाको मजदुर कर्मचारीले पनि संघर्ष गरेको छ, जीटीएले मजदुर कर्मचारीको तलब किन रोक्छ ? पर्यटन उत्सव र मेलामा करोडौं खर्च गर्ने जीटीएले श्रमिकहरुको तलब किन दिंदैन? कसले सरोकार राख्छ ? भनी जवाब मागेको छ |
आगमी २४ जनवरी भित्रमा वेतन नदिए एचपीडब्ल्युयुले बगानको गन्ती रोक्ने, नारा जुलुस गर्ने, धर्ना दिने र आवश्यक परे भोक हड्तालसम्म बस्ने कार्यक्रम बनाएको छ | सिन्कोना राईसितको भेटमा एचपीडब्ल्युयुले खेलापाल भवन जलेकोमा जाँचको माग गरेको छ भने सिन्कोना बगान भित्र चलेको मनरेगा कामको हर हिसाब पनि मागेको छ | बुद्धबारको भेटवार्तामा एचपीडब्ल्युयुको पक्षबाट सचिव दिपकार राई, सभापति गणेश ठकुरी, एचपीडब्ल्युयु खरसाङ ब्रान्च सभापति चमन प्रधान, गोरामुमो खरसाङ ब्रान्च सदस्य आरबी प्रधान, एचपीडब्ल्युयु मङपु संयोजक ज्ञानदीप राई लगायत ट्रेड युनियन र पार्टीका सदस्यहरु पनि उपस्थित रहेका थिए ||

Share news to:

No comments:

Leave a Reply

We love to hear from you! What's on your mind?

SSC RECRUITMENT

PSC RECRUITMENT

UPSC RECRUITMENT

DEFENCE POLICE JOB